Datorren ostegunean, apirilak 10, arratsaldeko 18:00etan, Artekalek, TXOTENAGUNEAK Otxarkoagan duen egoitzan, SORBURUren seigarren edizioa ospatuko du.

Aurten, SORBURUk, Artekalek antolatutako Kaleko Arteen sorkuntza eszenikoari laguntzeko programak, 2025eko deialdira aurkeztu ziren 16 lanetatik, PROZESUAN DAUDEN 3 KONPAINIEN LANAK hautatu ditu.

Datorren ostegunean, apirilak 10, Goilara Teatro, El Mono Habitado eta Dance & Music Creation konpainien ikuskizunen erakustaldia ikusiko dugu. Lan horietako bakoitza garapen puntu desberdin batean dago, eta Antzerki Fisikoa, Clowna edo Dantza Urbanoaren moduko disziplinak proposatzen dituzte.

Aurkeztutako hiru proiektuek astebeteko iraupena duten bi egoitza, aukeratzen duten profesionalarekin mentoretzako edo kanpo begiradako bi saio eta 1.500 euroko laguntza jasoko dute ikuskizuna ekoizteko. Aurten egoitzan hartuko dituzten espazioak Korrala Sormen Gunea, Mama Espacio Creativo eta Dantzagunea dira.

Konpainientzako eta publikoarentzako beste pizgarri bat hurbiltzen garen ikusleen aldetik artistek jasoko duten feedbacka da, oso baliagarria izan baitaiteke konpainiak murgilduta dauden sorkuntza fasean, eta haiek publikoari planteatu nahi dizkioten zalantza eta galdera espezifikoei erantzungo die. Horregatik, publikoaren lana oso garrantzitsua da.

Horregatik, SORBURUk lankidetza berriak bilatzeko lekua eta profesionalen arteko topaketa izan nahi du, non ikuspegi artistiko batetik proiektuei buruz hitz egin ahal izango den… baina, batez ere, ideiak, gogoetak eta ezagutzak partekatzeko espazioa izan nahi du.

Eta publiko eta artista gisa hazten eta ikasten jarraitu ahal izateko, erakusketa jardueraren aperitibo gisa, programak Kaleko Arteei buruzko hitzaldi bat proposatzen du aurten: ‘Kale Antzerkiaren ibilbidea eta elkarrizketa 70eko eta 80ko hamarkadetan’.

Ramón Barea (Cómicos de la Legua 1969-1980 eta Karraka 1981-1995) eta Miguel Olmeda (Bekereke 1980- 1989) aitzindarien eskutik, kaleko arteetan dena egiteke zegoen errealitate batera egindako bidaia aurkeztu nahi dute. Elkarrizketa iraganetik gaur egunera arte irauten du, sormen-prozesuei, testuinguruei eta motibazioei buruz gogoeta eginez.

Hitzaldia arratsaldeko 16etan izango da eta Txotena Guneko entsegu aretora hurbildu nahi duten guztientzat zabalik egongo da.

Amaitzeko, 20:30ean, mokadu batekin bukatuko dugu jardunaldia, publiko eta artisten arteko topaketarekin jarraitzeko, modu lasaiago eta informalagoan. Zerbait esateko gogoz geratu zara? Zerbait galdetzeko gogoz? Zerbait aipatzekotan? Norbaitekin topo egiteko gogoekin? Hau da horretarako espazioa.

Animatzen zara SORBURUra hurbiltzera eta publiko gisa kolaboratzera?

Aforoaren berri izateko izena eman behar duzu, oso erraza da, hemen egin dezakezu apirilaren 7ra arte.

Zain gaituzu!

Publikoa izateak axola du!

EGITARAUA

15:30 Ongietorri kafea.

16:00 ‘Kale Antzerkiaren ibilbidea eta elkarrizketa 70eko eta 80ko hamarkadetan’. Ramón Barea eta Miguel Olmeda

18:00 SORBURU. Piezen erakustea.

* KOILARA TEATRO. La llegada

* EL MONO HABITADO. El juego de la Boca

* DANCE & MUSIC CREATION. Denbora pasa

19:30 Konpainien eta publikoaren arteko feedback saioa

20:30 Agurra eta mokadutxoa